مرثيات حماسيه في اللواء احمد سيف اليافعي
عبدالله مبارك الشنيني بوراشد
بعض الرجال اتشرفه رتبت لواااء
وبعض الرجال ايشرفوها بالكتوف
واليافعي كتفه لطمها بااااااالسماء
وكتب عليها اسم مثلوث الحروف
ياابن يافع اه ياحامي الحمااااااء
غدروك لي منك بهم رهبه وخوف
مرحوم ياللي مت في جوف المخاء
حزنك ضواء معقود داخل كل جوف
لاكننا نعاهدك بعهود ااااااااااالوفاء
انا نخذ ثارك من اصحاب الصروف
معاد فيها صلح كل ليله برااااااااء
لما نجب عفاش وصحاب الكهوف
حسان مبارك الشنيني
مدري بدأ من وين. وين المبتدأ
الحمد لله عند شدات ااااالظروف
مومن ويدي باااااااااارفعها للسماء
ويالله تقبل من ضوو بابك ضيوف
ترفعه للجنه ودرااااااااجات العلااا
وتأمنه في حينهااااااا من كل خوف
لي حق لاتقبلت ورفعت ااااااالعزا
هدت أيادي الغدر جبل شامخ ونوف
شي بايضحكني وهو جاب البكاء
جنابي شماليه تكسرن السيوف
لااااااااشرعيه فيهم ولافيهم ولاء
عيال بن دحباش يوم السر عوف
يتعانوا مره على قل ااااااالسواء
ذياب غداااااااره ويرعاهم خروف
ياعبد ربه وفدكم من حيت جااء
قريب بايرحل من الديره عطوف
حسن احمد باجوه الجوهي
من بعد ماقد متت ياحامي الحما
حس في وسط جسمي كما طعن السيوف
والعين ماطاعت توقف في البكاء
لو باوصف حزني عيت فيه الوصوف
عم الجنوب الحزن عاطول المدى
من حيد صيرة لقدا جاذب وحوف
عليك ياسيد الرجال الاوفياء
يانسل يافع ياجبل في الارض نوف
قدمت روحك لاجل عهدك والولاء
باقدام وشجاعة بلا رهبة وخوف
من اجل تحرير الذي مثل النساء
لي ذلهم عفاش واصحاب الكهوف
لي مالهم خانه بقاموس الوفاء
بعوا شرفهم لاجل عشرات الالوف
